• ×

04:43 صباحًا , الأحد 19 أغسطس 2018

مواطن من الحوامدية يرصد معاناة اهالي المدينة بقصيدة شعر

ارشيفية

زيادة حجم الخط مسح إنقاص حجم الخط
الحوامدية - فريق التحرير نشر المواطن مصطفى ابوغياض من أهالي الحوامدية على صفحته الشخصية بموقع التواصل الاجتماعي فيس بوك قصيدة يرصد من خلالها معاناة أهالي المدينة بسبب كثرة المشاكل الموجودة بها وعدم اهتمام القيادات الشعبية والتنفيذية بحلها .
وتعيد الحوامدية اليوم نشر القصيدة تشجعيا للشعر الموهوب.
الحوامديه مافيهاش خدمات
اذاي يا جدع
دى فيها وفيها وفيها
تعال وهات حاجه خد فيها
فيها اتنين من احلا ما فيها
قالو هنعمل ونسوي فيها
قالو هنزرع ونقلع فيها
ما شفنا غير القلع فيها
قالو هنبني ونعمر فيها
ما شفنا ولا عمر فيها
محدش يزعل محدش له فيها
الميه قاطعه دائما فيها
والشوارع ولا حد مهتم بيها
والمجاري ناقصه بردو لسه فيها
طب قولى عملت انت وهو ايه فيها
كام شارع اتسفلت فيها
ولا كام حنفيه جريت المياه فيها
دى أبسط حقوق للي قاعدين فيها
ولا انت وهو مش قاعدين فيها
العيب فيكم ولا فينا ولا فيها
انا بحبكم وبحب كل واحد فيها
لكن ايه الجديد يا احلى اتنين فيها
كان نفسنا تحسو بيها
ونشوف الاصلاح بيجري فيها
لكن هي هي بكل ما فيها
الجوازات مش موجوده فيها
المجلس الرشاوي غرجان فيها
العبارة السرقه وباء فيها
المستشفى الإهمال منتشر فيها
الموقف ذاحم الدنيا وارف فينا
ش الجمهوريه المحلات دخلا ع بعضيها
ش سعد زغلول بيقول مفيش فائده فيها
التكاتك ولا رخصه ولا تقنين ليها
المحطة ولا عمود منوره فيها
الطريق السريع مطباته بتكسر فينا
طريق 11 الحرميه عملين كمين فيها
شدو حيلكم شويه واعملو حاجه ليها
راحت فتره وجايه فتره لسه فيها
وانتو ولا قدمتو حاجه لبكره بردو فيها
بواسطة : Admin
 0  0  565
التعليقات ( 0 )

القوالب التكميلية للأخبار

القوالب التكميلية للأخبار

جميع الأوقات بتوقيت جرينتش +2 ساعات. الوقت الآن هو 04:43 صباحًا الأحد 19 أغسطس 2018.