• ×

04:08 مساءً , الثلاثاء 20 نوفمبر 2018

جمال عبد المقصود

كلمتين وبس.....

بقلم : جمال عبد المقصود

 0  0  16874
زيادة حجم الخط مسح إنقاص حجم الخط
لما يكون العاملين بصيانة محطة المية النسبة الكبيرة منهم عندهم محلات ادوات سباكة... وبطريقتهم الخاصة وعن عدة تجارب بيعرفوا ازاي بيشغلوا محلاتهم!!!!
من فترة ليست بالبعيدة تقدمت بشكوي شفاوية بان المية عندنا بالشارع قطعة فجاء احد المسئولين بمحطة المية وطلب مننا بتغير كل الخط عشان المية تيجي عندنا طبعا هذا المسئول عنده محل سباكة يعني لازم نشتري كل المواسير وخلافة من المحل بتاعة... وفعلا تم تغيير كل المواسير وكلف اكتر من 3000 جنية... وفعلا والحمد لله المية جات عندنا وعند المنزلين المشتركين معانا في تغير المواسير... لحد كدة قولنا الحمد لله مش مشكلة الفلوس المهم المية... وقسما بالله حوالي تالت شهور والمية قطعت تاني عن الثلاث منازل.... فطبعا جرينة ورحنا للمحطة ونفس الشخص او بالتحديد جه ابنه ما هو ابنة برضو شغال في الصيانة وبرضو نفس الكلام اللي قولوا ابوه اول مرة قولوا الابن.... لازم الخط كله يتغير ولازم نجيب مواسير تاني... وطبعا هنشتري برضو المواسير من المحل بتاعة.. غصب عننا تم شراء كل شئ من عنده وكلف ايضا مبلغ كبير والمية جت عندنا كل يوم ساعتين!!!! اه والله ساعتين في اليوم قولنا الحمد لله احسن ما تقطع خالص... ورضينا بالساعتين ولكن محطة المية مرضتش بينا.... وتم قطع المية عن الثلاث منازل نهائيا حتي هذه اللحظة... رحنا اشتكينا وجبنه وسطة... فعلا جه اول مرة نفس الشخص اللي غير المواسير كلها مرتين وتم الشراء من المحل بتاعة.. قال نفس الكلام لازم الخط اللي غيرة مرتين قبل كدة لازم يتغير واكيد لازم نشتري كل المواسير من المحل بتاعة... طبعا المرة دي اهل المنازل الثلاثة رفضو عشان هتكون تكلفه تغير الخط ضعف المبلغ بتاع التغير اللي فات عشان ارتفاع الاسعار..... اقسم بالله اهلي المنازل الثلاثة راحو عند احد اعضاء مجلس النواب... وتم استقبالهم احسن استقبال في مكتبة واتصل بنفسة بالمسئولين عن الصيانة وفعلا حضرو وتم تشغيل المية بطريقتهم اذاي معرفش لمدة ساعة واحدة فقط..... وبعد هذه الساعة قطعت المية حتي هذة اللحظة عن المنازل الثلاثة..... الله واعلم بفعل فاعل عشان غصب عن الاهالي يغيروا الخط كله.... او ماذا حصل ....مع العلم احدي العمارات في الشارع غير المواسير بتاعت الخط بتاعه والمية جت عنده في العمارة ولم تقطعت عن العمارة ساعة واحدة شغالها 24 ساعة عشان دفع لتغير الخط وطبعا تم شراء المواسير من نفس المحل
....طيب اهالي المنازل الثلاتةاللي في الشارع معندهمش المقدرة يغيرو المواسير يتم حرمانهم من المية وجميع المنازل والعمارات في الشارع عندهم مية 24 ساعة
يعني اللي معاها ويقدر يغير يبقي المية عنده 24 ساعة واللي معندوش وميقدرش يدفع عشان يغير المواسير ميلزموش.....ويعيش من غير مية مع ان المية موجوده في كل الشارع طول اليوم اللي المنازل الثلاثة
وعلي رائي المثل..... المية متعديش علي العطشان
لكن للاسف المثل مبيطبش علي اصحاب المنازل الثلاثة بتعدي عليهم وهم عطشانين
مش كدة ولا ايه

التعليقات ( 0 )

المقالات

جميع الأوقات بتوقيت جرينتش +2 ساعات. الوقت الآن هو 04:08 مساءً الثلاثاء 20 نوفمبر 2018.